Azərbaycanla Türkiyə arasında iqtisadi tərəfdaşlığın gücləndirilməsi müzakirə olunub.

Operativ Media xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Onun sözlərinə görə, müzakirələr Ankaraya səfər çərçivəsində - Türkiyənin ticarət naziri Ömər Bolatla görüşdə baş tutub. Tərəflər Azərbaycan-Türkiyə iqtisadi tərəfdaşlığının gücləndirilməsini, ticarət dövriyyəsinin artırılmasını, biznes vahidləri arasında əlaqələrin fəal dəstəklənməsini və investisiyaların təşviqi üzrə ortaq hədəflərə çatmaq üçün mövcud imkanları müzakirə edib.