Xəzər rayonunda silahlı şəxs saxlanılıb

Xəzər Rayon Polis İdarəsinin 1-ci Polis Şöbəsinin əməkdaşlarının həyata keçirdikləri tədbirlərlə əvvəllər məhkum olunmuş 1994-cü il təvəllüdlü Elnur Məmmədov saxlanılıb. Onun yaşadığı Şüvəlan qəsəbəsindəki evindən psixotrop maddə metamfetamin,  1 ədəd tapança, 17 ədəd patron və 2 ədəd bıçaq aşkarlanıb. 

Bu barədə "Operativ Media"ya Daxili İşlər Nazirliyinin Mətbuat Xismətindən məlumat verilib.

Bildirilib ki, faktla bağlı araşdırmalar davam etdirilir.

E.Məmmədovun qanunsuz əməllərindən zərər çəkən şəxslər DİN-in “102” Xidməti Zəng Mərkəzinə və ya Xəzər Rayon Polis İdarəsinə müraciət edə bilərlər.