"NATO üzvləri terrorla mübarizədə Türkiyəyə hərtərəfli dəstək verməlidir".

"Operativ Media" xəbər verir ki, bunu Türkiyə XİN rəhbəri Hakan Fidan deyib.

“Xüsusən də terrorla mübarizədə NATO-ya üzv ölkələr Türkiyəni tam və qeyd-şərtsiz dəstəkləməli və Türkiyənin yanında olmalıdır. Biz vurğuladıq ki, bəzi NATO-ya üzv ölkələr, xüsusilə Suriyada olduğu kimi, “müvəqqəti” maska ​​altında da olsa, terror təşkilatları ilə əməkdaşlıq etməməlidir. Bu, NATO alyansının ruhuna tamamilə ziddir”, - deyə o bildirib.

Nazir həmçinin qeyd edib ki, NATO xarici işlər nazirlərinin qeyri-rəsmi toplantısı 2025-ci ildə Türkiyədə keçiriləcək.