Ruben Vardanyan barəsində seçilmiş qətimkan tədbirinin müddəti uzadılıb

Separatçı Ruben Vardanyan barəsində seçilmiş qətimkan tədbirinin müddəti uzadılıb.

"Operativ Media" "Qafqazinfo"ya istinadən xəbər verir ki, bu barədə Səbail Rayon Məhkəməsi Dövlət Təhlükəsizliyi Xidmətində aparılan cinayət işi üzrə qərar qəbul edib.

Qərara əsasən Ruben Vardanyanın həbsdə saxlama müddəti 4 ay uzadılıb.

Qeyd edib ki, Dövlət Təhlükəsizliyi Xidmətinin İstintaq təcridxanasında saxlanılan Ruben Vardanyana Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham irəli sürülüb.