“Qərb xüsusilə Vətən müharibəsindən sonra ermənipərəst mövqeyi ilə seçilib” - politoloq

"Dunya Miyatoviçin Avropa Şurası Parlament Assambleyasının ilk iclasında Azərbaycanı hədəf seçməsi ermənipərəst mövqeyindən irəli gəlir".

Bunu "Operativ Media"ya açıqlamasında politoloq Anar Əliyev deyib.

“Məkrli xətt tutanlar ağıllı olduqlarını xəyal etməsinlər. Bütün örtülü və açıq əməllər kənardan aydın görünür. Hansı küləklərin haralardan əsdiyi də bizə çox yaxşı bəllidir. Qarabağdan könüllü çıxan 100 min erməninin pozulmuş haqlarından danışan Miyatoviç nədənsə, 30 il əvvəl zorla sürgün edilən haqların tapdalanan azərbaycanlılardan bəhs etmir erməni vəhşiliklərini görən, zülmlərə düçar olan 1 milyondan artıq qaçqın və məcburi kökünlərimizdən bir kəlimə belə bəhs etməyib”.

Politoloq deyir ki, artıq Avropa Şurası indi Azərbaycan üçün heç bir potensiala sahib bir qurum deyil. Müharibədən öncə münasibətlərin tənzimlənməsində heç bir rol oynamayan, hazırda Avropanın özündə belə heç bir nüfuzu qalmayan Avropa Şurasına Azərbaycanın da ehtiyacı yoxdur. 

“İndiki şəraitdə Azərbaycan öz dövlət suverenliyini bərpa etdikdən, məcburi köçkünlərini öz yurdlarında yaşayışını təmin etdikdən sonra Avropa Şurası, Avropa Şurası Parlament Asambleyası kimi ermenipərəst Azərbayacan türk dünyasına qarşı qərəzli mövqe sərgiləyən institutlar və bunları təmsil edə insanlar bizə lazım deyil. Hesab edirəm ki, bu qurumlar nəinki, Avropada avropa daxilidə də yardım edə bilmə qabiliyyətində olmayan mənasız bir fiqura çevriliblər. Bütün bunlar Avropa Şurasının necə miskin durumda olduğunu, Avropa İnsan Hüquqları Konvensiyası başqa olmaqla insan hüquqları mexanizmlərindən mənfur məqsədlər üçün necə sui-istifadə edildiyini bariz şəkildə göstərir”.