Mixail Qaluzin Ermənistanın Rusiyadakı səfirini qəbul edib

Rusiya xarici işlər nazirinin müavini Mixail Qaluzin Ermənistanın Rusiyadakı səfiri Vaqarşak Arutyunyanı qəbul edib.

"Operativ Media" xəbər verir ki, bu barədə Rusiya Xarici İşlər Nazirliyi məlumat yayıb.

Məlumata görə, görüşdə Ermənistan-Azərbaycan münasibətlərinin normallaşması prosesi müzakirə olunub.

Rusiya tərəfi Rusiya, Ermənistan və Azərbaycan liderləri arasında bir sıra razılaşmalar əsasında bu istiqamətdə üçtərəfli işlərin tezliklə bərpasının zəruriliyini vurğulayıb.