G7 üzv ölkələri hava hücumundan müdafiə sistemləri və uzaqmənzilli komplekslərin tədarükünü artırmaqla Ukraynaya hərbi yardımı genişləndirmək barədə razılaşıblar.

Operativ Media xəbər verir ki, bu barədə G7 liderlərinin birgə bəyanatında deyilir.

Sənəddə deyilir:

"Biz hava hücumundan müdafiə sistemlərinin, əlavə sistemlərin və tutucuların, eləcə də uzaqmənzilli sistemlərin tədarükünü artırmaq barədə razılığa gəldik. Həmçinin Ukraynaya hərbi istehsalı artırmağa imkan verəcək lisenziya güzəştlərinin verilməsi imkanlarını nəzərdən keçirməyə hazırıq".

Bundan əlavə, G7 liderləri neft və qaz sektoruna qarşı tədbirlər də daxil olmaqla, Rusiyaya qarşı sanksiya təzyiqini artırmaq planlarını açıqlayıblar.

Qeyd edək ki, G7 liderlərinin sammiti 15-17 iyun tarixlərində Fransanın Evian-le-Ben şəhərində keçirilir.