Mikayıl Cabbarov Türkmənistan Prezidenti ilə görüşüb

Azərbaycanın iqtisadiyyat naziri Mikayıl Cabbarov Türkmənistana işgüzar səfər çərçivəsində Prezident Sərdar Berdiməhəmmədov tərəfindən qəbul edilib.

"Operativ Media" xəbər verir ki, bu barədə M.Cabbarov özünün "X" hesabında bildirib:

"Azərbaycan və Türkmənistan dövlət başçılarının siyasi iradəsi və münasibətlərin inkişafına verdikləri önəm tərəfdaşlığın genişlənməsində əsas hərəkətverici qüvvədir".

"Türkmənistana işgüzar səfər çərçivəsində Prezident cənab Sərdar Berdiməhəmmədovun qəbulunda olduq və əlaqələrin bütün sahələr üzrə möhkəmləndirilməsi üçün imkanları nəzərdən keçirdik", - nazir qeyd edib.

Nərmin Qocamanova