Mirziyoyev türk ölkələrini Fələstinin müstəqilliyini dəstəkləməyə çağırıb

Türk Dövlətləri Təşkilatının (TDT) üzvləri müstəqil Fələstin dövlətinin yaradılmasının zəruriliyi ilə bağlı prinsipial mövqe bildirməlidirlər.

"Operativ Media" xəbər verir ki, bunu Özbəkistan Prezidenti Şavkat Mirziyoyev Astanada keçirilən Türk Dövlətləri Təşkilatının (TDT) 10-cu yubiley Zirvə görüşündə deyib.

"Fələstin xalqının müstəqil dövlət yaratmaq hüququ var. Biz təşkilatımız çərçivəsində bu məsələ ilə bağlı yekdilliklə prinsipial mövqeyimizi bütün dünyaya bəyan etməliyik", - Mirziyoyev sammitdə çıxışı zamanı deyib.