KİV: İsrailə gedən ABŞ təyyarədaşıyan gəmisi Aralıq dənizinə daxil olub
ABŞ-nin "Dwight Eisenhower" təyyarədaşıyan gəmisi şənbə günü Cəbəllütariq boğazından keçərək Aralıq dənizində görüntülənib.
"Operativ Media" xəbər verir ki, bu barədə "Stars and Stripes" qəzeti məlumat yayıb.
Qeyd edilib ki, ABŞ Hərbi Dəniz Qüvvələri gəminin gəlişini təsdiqləmək üçün nəşrin sorğusuna cavab verməyib.
Birləşmiş Ştatlar daha əvvəl Qəzza zolağındakı münaqişə ilə əlaqədar "Dwight Eisenhower" və "Cerald Ford" təyyarədaşıyan zərbə qruplarının Aralıq dənizinin şərqinə göndərildiyini elan etmişdi.
