Yunanıstanın sahilyanı Nea Agialos şəhərində güclü partlayış səsləri eşidilib və bəzi sakinlər təxliyə edilib.

"Operativ Media" xəbər verir ki, Yunanıstanın Maqnisiya bölgəsində baş verən yanğınlarda vəziyyət nəzarətdən çıxıb, alov hərbi təyyarələrin saxlanıldığı sursat anbarına çatarkən partlayış baş verib.

Partlayışın təsirindən ətrafdakı evlərin şüşələri sınıb.

Güclü külək səbəbindən yanğın sürətlə yayılmaqda davam edir.

Bölgədə təxliyələr dəniz yolu ilə həyata keçirilib.