Yohannesburqda "BRİKS-in dostları" formatında yüksək səviyyəli təhlükəsizlik nümayəndələrinin geniş tərkibdə görüşü keçirilib. 

"Operativ Media" xəbər verir ki, bu barədə Rusiya Təhlükəsizlik Şurasının mətbuat xidməti bildirib.

"BRİCS-in dostları" formatında yüksək səviyyəli təhlükəsizlik nümayəndələrinin toplantısının iştirakçıları suveren bərabərlik və etimad prinsipləri əsasında çoxqütblü dünyaya doğru irəliləməyə hazır olduqlarını bildiriblər", - deyə məlumatda qeyd olunub.

Həmçinin bildirilib ki, iştirakçılar suveren bərabərlik, etimad və bölünməz təhlükəsizlik, bütün ölkələrin və xalqların azad və fərqli inkişafı prinsiplərinə əsaslanan çoxqütblü sisteminin formalaşması səylərinə sadiqdirlər.