Rusiyanın Odessaya hücumu nəticəsində 1 nəfərin öldüyü, 18 nəfərin yaralandığı bildirilib.

"Operativ Media" xəbər verir ki, bu barədə Odessa Regional Dövlət Administrasiyasının rəhbəri Oleq Kiper "Telegram" kanalında açıqlama verib.

Açıqlamada Rusiyanın Odessaya hücum həyata keçirdiyi bildirilib.

Bunun "terror" hücumu olduğunu iddia edən Kiper hücumda şəhərdəki infrastruktura, evlərə və dini binalara ziyan dəydiyini bildirib.

Kiper deyib: "Hücum zamanı 4-ü uşaq olmaqla 18 nəfər yaralanıb. Təəssüf ki, bir mülki vətəndaş həyatını itirib. Yaxınlarına başsağlığı verirəm".

Bundan əlavə, hücum nəticəsində Odessadakı Spaso-Preobrajenski kilsəsinin ciddi zədələndiyi və Odessa meri Gennadi Truhanovun hadisə yerinə gəldiyi bildirilib.