İranın cənub-şərqində yerləşən Sistan və Bəlucistan əyalətində qum fırtınası baş verib.

"Operativ Media" xəbər verir ki, təbiət hadisəsi azı bir nəfərin ölümünə səbəb olub, 250-dən çox insan zərər çəkib. Əyalətin böhran idarəsindən verilən məlumata görə, xəstəxanalara müraciətlərin əsas səbəbi görmə, nəfəs alma və ürək problemləri ilə bağlıdır. Tənəffüs problemindən bir nəfər dünyasını dəyişib, səkkiz nəfərin isə vəziyyəti ağır olaraq qalır.