Misirin paytaxtı Qahirə şəhərində yaşayış binasının çökməsi nəticəsində azı 12 nəfər ölüb.

"Operativ Media" nın məlumatına görə, 5 mərtəbəli binanın dağıntıları altından üç uşağın cəsədi çıxarılıb. Hadisə yerinə xilasedicilər cəlb olunub. Yaralılar xəstəxanalara yerləşdirilib. Dağıntıların təmizlənməsi, axtarış-xilasetmə işləri davam edir. Binanın çökməsi ilə bağlı 3 nəfər saxlanılıb. İlkin məlumata görə, qəzaya səbəb binanın birinci mərtəbəsindəki əsas divarlardan birinin uçması olub.