Türkiyə Silahlı Qüvvələri terror təşkilatı PKK terrorçusu, İraqın şimalında yerləşən Avaşin əyaləti adlanan qondarma hökumətin üzvü Bilal Onatı zərərsizləşdirib.

"Operativ Media" xəbər verir ki, bu barədə Türkiyə Milli Müdafiə Nazirliyindəki mənbə yerli mətbuata bildirib.

Məlumata görə, Avaşin bölgəsində hücuma hazırlaşan bir qrup terrorçu PUA tərəfindən aşkarlanıb.

Bölgədə havadan dəstəkli əməliyyat təşkil edilib və terrorçu qrup zərərsizləşdirilib. Terrorçulardan birinin "Devrim Qarzan" kod adlı Bilal Onat və "Sidar Amed" kod adlı Mazlum Yılmaz olduğu müəyyən edilib.

Onatın PKK terror təşkilatının "Avaşin əyalət hökuməti"nin üzvü olduğu bildirilir.