ABŞ-də yerləşən Microsoft texnologiya şirkəti çinli haker qrupunun Qərbi Avropadakı bəzi dövlət qurumlarının elektron poçtlarını ələ keçirdiyini açıqlayıb.

"Operativ Media" xəbər verir ki, Microsoft-un verdiyi açıqlamaya görə, "Storm-0558" haker qrupu Qərbi Avropada təxminən 25 qurum və şəxsin elektron poçt hesablarını hədəfə alıb.

Microsoft-un təhlükəsizlik üzrə vitse-prezidenti Charlie Bell qrupun məlumat toplamaq üçün e-poçt sistemlərinə daxil olaraq casusluq fəaliyyətlərinə diqqət yetirdiyini düşündüklərini söyləyib.

"Storm-0558"in fəaliyyətlərinin izləniləcəyi və oxşar hücumlardan qorunmaq üçün araşdırmaların aparılacağı bildirilib.