Birləşmiş Millətlər Təşkilatının (BMT) baş katibi Antonio Quterreş Türkiyəyə Qara Dəniz Taxıl Dəhlizi Sazişi çərçivəsində gördüyü işlərə görə təşəkkürünü bildirib.

"Operativ Media" xəbər verir ki, bu barədə BMT-nin sözçüsü Stefan Dujarrik yazılı açıqlama verib.

Açıqlamada Quterreşin razılaşmanın davam etdirilməsinə diqqət yetirdiyi bildirilib və razılaşmanın tam şəkildə həyata keçirilməsinin qlobal bazar üçün vacib olduğuna diqqət çəkilib.

Rusiya ilə BMT arasında anlaşma memorandumunun qlobal ərzaq qiymətlərinin aşağı salınmasında təsirli olduğuna diqqət çəkən açıqlamada vurğulanıb: "Baş katib eyni məqsəd üçün səy göstərən Türkiyəyə minnətdardır".