Bayram Beqay Azərbaycana rəsmi səfərə gəlib

Albaniya Prezidenti Bayram Beqay Azərbaycana rəsmi səfərə gəlib.

"Operativ Media" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Bayram Beqayı və xanımı Armanda Beqayı Baş nazirin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar.