"ABŞ İsveçin NATO üzvlüyünü tam dəstəkləyir".

"Operativ Media" xəbər verir ki, bunu ABŞ Prezidenti Cozef Bayden Ağ Evdə İsveçin baş naziri Ulf Kristerssonu qəbul edərkən deyib. "Biz gələn həftə NATO-nun sammitinə hazırıq. İsveçin NATO-ya qəbulu olduqca vacib məsələdir” - deyə ABŞ lideri bildirib. İsveç hökumətinin başçısı Ulf Kristersson isə davam edən Rusiya-Ukrayna müharibəsi fonunda Stokholm-Vaşinqton əlaqələrin prioritet hesab etdiyini açıqlayıb. Xatırladaq ki, İsveç və Finlandiya 2022-ci il mayın 18-də NATO-ya üzv olmaq üçün ərizə ilə müraciət etmişdi. Türkiyə bu ölkələrin Alyansa üzvlüyü üçün terrorçuları dəstəkləməmələri ilə bağlı şərt irəli sürmüşdü. Ankaranın tələblərini yerinə yetirən Finlandiya bu ilin aprelində NATO-ya üzv olub. Stokholma isə hələlik nə Ankara, nə də Budapeşt etimad göstərmir.