Türkiyənin XİN rəhbəri Səudiyyə Ərəbistanından olan həmkarı ilə İƏT-in iclasına hazırlığı müzakirə edib

Türkiyə və Səudiyyə Ərəbistanının xarici işlər nazirləri Hakan Fidan və Feysəl bin Fərhan arasında telefon danışığı olub.

"Operativ Media"  xəbər verir ki, bu barədə Türkiyə XİN-in mətbuat xidmətindən məlumat verilib.

Məlumata əsasən, telefon danışığı zamanı nazirlər İslam Əməkdaşlıq Təşkilatı İcraiyyə Komitəsinin iyulun 2-də Ciddədə keçiriləcək iclasına hazırlığı müzakirə ediblər.

Tərəflər həmçinin islamafobiya ilə mübarizə və regional məsələlərdə əməkdaşlıq məsələləri ətrafında da fikir mübadiləsi aparıblar.