Macarıstan və Polşa sentyabrın 15-dək qüvvədə olan Ukraynadan Aİ ölkələrinə taxıl tədarükünə qoyulan qadağanın uzadılmasının tərəfdarıdır.

"Operativ Media" xəbər verir ki, bu barədə Macarıstanın və Polşanın kənd təsərrüfatı nazirlikləri bəyanat yayıb. Xatırladaq ki, bundan əvvəl Avropa Komissiyası sentyabrın ortalarına qədər Ukrayna taxıl və yağlı bitkilərin idxalına embarqo qoyub. Beş ölkənin - Bolqarıstan, Macarıstan, Polşa, Rumıniya və Slovakiyanın birgə fəaliyyəti sayəsində Ukraynadan Avrozonaya buğda, qarğıdalı, kolza və günəbaxan toxumlarının idxalı qadağan edilib.