Pakistana “Biparcoy” siklonu yaxınlaşır. Bununla bağlı səlahiyyətli qurumlar xalqa xəbərdarlıq edib.

"Operativ Media" xəbər verir ki, qasırğa Kəraçi limanından ölkənin içərisinə doğru hərəkət edəcək. Bu zaman küləyin sürətinin saatda 200 kilometrə çatacağı proqnozlaşdırılır. Kəraçi limanlarında balıqçı gəmiləri lövbər salıb. Onların hərəkətinə qadağa qoyulub. Həmçinin bütün çimərliklər fəaliyyətini dayandırıb. Sahilə yaxın yerləşən iaşə obyektləri də qapadılıb. Xatırladaq ki, ötən il baş verən daşqınlar 1739 insanın ölümünə səbəb olmuşdu, həmçinin Pakistan iqtisadiyyatı 30 milyard dollar itirmişdi.