Hörmüz boğazında konteyner gəmisinə hücum edilib

Hörmüz boğazında konteyner gəmisinə hücum edilib.

Operativ Media xəbər verir ki, bu barədə Dəniz Ticarət Koordinasiya Mərkəzi (UKMTO) məlumat yayıb.

Bildirilib ki, hadisə Omanın şimal-şərqindən 15 dəniz mili məsafədə baş verib. Məlumata görə, heyət üzvü təhlükəsizdir.

Konteyner gəmisinin kapitanı bildirib ki, İran Silahlı Qüvvələri olan İslam İnqilabı Keşikçiləri Korpusuna məxsus bir qayıq gəmiyə yaxınlaşaraq atəş açıb. Qayıq heyətinin gəmidəkilərlə radio əlaqəsi qurmağa cəhd etmədiyi iddia edilir. UKMTO qeyd edib ki, hücum nəticəsində ticarət gəmisinin körpüsünə ciddi ziyan dəyib.