ABŞ hərbi qüvvələri Karib dənizində narkotik gəmisini vurub, üç nəfər ölüb

ABŞ hərbi qüvvələri Karib dənizində narkotik qaçaqmalçılığı ilə məşğul olan gəmini bombalayıb, nəticədə üç nəfər ölüb.

Operativ Media xəbər verir ki, bu barədə "Reuters" məlumat yayıb.

ABŞ ordusunun sosial media səhifəsində yerləşdirilən açıqlamada gəminin " narkotik qaçaqmalçılığı əməliyyatları ilə məşğul olduğu " bildirilir.

"Gəmi Karib dənizində narkotik qaçaqmalçılığı ilə məşğul olan məlum marşrut üzrə hərəkət edirdi və narkotik qaçaqmalçılığı əməliyyatlarında iştirak edirdi", - deyə açıqlamada bildirilir.

ABŞ müdafiə nazirliyinin yüksək vəzifəli rəsmisi bildirib ki, ötən aya qədər ABŞ qüvvələri Qərb yarımkürəsində narkotik daşımaqda şübhəli bilinən gəmilərə qarşı 45 hücum həyata keçirib və nəticədə narkotik kartelləri ilə əlaqəli 157 nəfər ölüb.