İndoneziyada göyərtəsində səkkiz nəfərin olduğu helikopterlə əlaqə kəsilib

İndoneziyanın Qərbi Kalimantan əyalətində göyərtəsində səkkiz nəfərin olduğu helikopter radarlardan yoxa çıxıb.

Operativ Media xəbər verir ki, bu barədə "Agence France-Presse" yerli axtarış-xilasetmə agentliyinə istinadən məlumat yayıb.

Bildirilib ki, "Matthew Air Nusantara" aviaşirkəti tərəfindən idarə olunan helikopter region daxilindəki şəhərlər arasında uçuş həyata keçirirdi. Təyyarə ilə əlaqə havaya qalxdıqdan qısa müddət sonra kəsilib. Təyyarənin göyərtəsində iki heyət üzvü və altı sərnişin olub.

İndoneziya hakimiyyəti əraziyə təxminən 20 xilasedici cəlb edib.