ESPN: "Tottenhem"in müdafiəçisi Romero 2025/26 mövsümünü erkən bitirdi
"Tottenhem"in müdafiəçisi Kristian Romero "Sanderlend"lə matçda (0:1) aldığı diz zədəsi səbəbindən 2025/26 mövsümünün qalan hissəsində iştirak edə bilməyəcək.
Operativ Media xəbər verir ki, bu haqda ESPN məlumat yayıb.
Məlumata görə, ilkin testlər 27 yaşlı argentinalı futbolçunun diz bağlarının zədələndiyini üzə çıxarıb. Zədənin dərəcəsini dəqiq müəyyən etmək üçün yaxın günlərdə əlavə müayinələr aparılacaq. Müdafiəçinin bərpa müddətinin beş-səkkiz həftə çəkəcəyi gözlənilir və "Tottenhem"in bu barədə yaxın günlərdə rəsmi açıqlama verəcəyi bildirilir. Bununla belə, 2026-cı dünya çempionatına iki aydan az vaxt qaldığını nəzərə alsaq, Romeronun turnirə qədər tam sağalmaq imkanı olacaq.
Romero 2025/26 mövsümündə çıxdığı 32 matçda altı qol vurub və üç məhsuldar ötürmə ilə yadda qalıb.
