İngiltərə klubu "Fənərbaxça"nın hücumçusu üçün 20 milyon avro ayırdı

İngiltərə Premyer Liqası klubu "Everton" "Fənərbaxça"nın hücumçusu Yusif Ən-Nesiri ilə maraqlanır.

Operativ Media xəbər verir ki, bu haqda insayder Fabrizio Romano məlumat yayıb.

Mənbənin məlumatına görə, "Everton" klubu Ən-Nesiri üçün Türkiyə klubuna 20 milyon avroluq satın alma seçimi ilə rəsmi icarə təklifi təqdim edib. Klublar arasında danışıqlar davam edir.

Ən-Nesiri 2024-cü ilin yayında "Sevilya"dan "Fənərbaxça"ya keçib. Bu mövsüm 28 yaşlı mərakeşli bütün turnirlərdə 25 oyun keçirib, səkkiz qol vurub və bir məhsuldar ötürmə edib. "Transfermarkt" onun dəyərini 22 milyon avro qiymətləndirir.