Pakistan baş nazir Şahbaz Şərifin göstərişi ilə Kahramanmaraşda baş verən 7,7 və 7,6 bal gücündə zəlzələlərə görə Türkiyəyə axtarış-xilasetmə qrupları göndərib.

"Operativ Media" xəbər verir ki, 50 nəfərlik axtarış-xilasetmə qrupu və 25 ton yardım vəsaiti bu səhər Pakistan Beynəlxalq Hava Yollarına (PİA) məxsus təyyarə ilə Türkiyəyə yola düşüb.

Pakistan ordusu isə Ravalpindidəki Çakala Hava Bazasından havaya qalxan silahlı qüvvələrin C-130 nəqliyyat təyyarəsinin Adanaya doğru yola düşdüyünü açıqlayıb.