Ermənistan XİN rəhbəri: Azərbaycanlı həmkarım ilə ABŞ-də görüşməyə hazıram

Ermənistanın xarici işlər naziri Ararat Mirzoyan ABŞ Dövlət Departamentinin Qafqazda danışıqlar üzrə müşaviri Lui Bono ilə görüşüb. O, görüşündə Vaşinqtonda azərbaycanlı həmkarı Ceyhun Bayramovla görüş keçirməyə hazır olduğunu bildirib. 

"Operativ Media" xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb.

"Həmsöhbətlər regional təhlükəsizlik və sabitliklə bağlı məsələlərə toxunublar. Ermənistanla Azərbaycan arasında münasibətlərin tənzimlənməsi prosesində son hadisələr və sülh müqaviləsi layihəsinə tərəflərin yanaşmaları müzakirə edilib. Ermənistan tərəfi ABŞ-nin təklifinə müsbət cavab verib. Təklif Dövlət katibi Antoni Blinken tərəfindən gəlib və Ermənistan və Azərbaycan xarici işlər nazirlərinin Vaşinqtonda görüş keçirməsini nəzərdə tutub", - məlumatda qeyd olunur.