Lavrov: Gürcüstanla birlikdə "3+3" formatı yaxın gələcəkdə işləyə bilər

Cənubi Qafqaz üzrə "3+3" görüşünün formatı yaxın gələcəkdə Gürcüstanla birgə işləyə bilər.

"Operativ Media" xəbər verir ki, bunu Rusiyanın xarici işlər naziri Sergey Lavrov Tehranda keçirilən "3+3" formatındakı görüşdən sonra mətbuata açıqlamasında deyib.

"Tiflisdəki hazırkı hakimiyyət dəfələrlə sübut etdiyi kimi, onlar bütün hərəkətlərində ilk növbədə fundamental milli maraqlardan çıxış edirlər. Bu, tamhüquqlu "3+3" formatının işləyə biləcəyinə inanmağa əsas verir", - Lavrov qeyd edib.