Qaribaşvili: “Görüşdə Orta Dəhlizlə bağlı müzakirə aparılıb”

“Bu il ticarət dövriyyəmiz 15 faiz artıb. Enerji, nəqliyyat, logistika və digər sahələrdə əməkdaşlıq edirik”.

"Operativ Media" xəbər verir ki, bunu Gürcüstanın Baş naziri İrakli Qaribaşvili Azərbaycan Respublikasının Prezidenti İlham Əliyev ilə təkbətək görüşdən sonra mətbuata bəyanatda bildirib.

İrakli Qaribaşvili deyib ki, bu görüşdə Orta Dəhlizlə bağlı müzakirə aparılıb: “Biz Qazaxıstanla da Orta Dəhlizin genişləndirilməsi ilə bağlı müzakirə aparırıq. Biz dəmir yolu xətlərini müasirləşdiririk, gələn ilin sonuna qədər bunu başa çatdıracağıq. Bununla da yükdaşımanı iki dəfə artırmağa nail olacağıq. Yeni dəniz limanının da tikintisini başa çatdıracağıq”.