Avropa İttifaqının xarici işlər və təhlükəsizlik siyasəti üzrə Ali nümayəndəsi Jozep Borrel Fələstini İsraillə münaqişənin həllinə kömək etməyə çağırıb və İsrailin öz əhalisini qorumaq istəyi ilə həmrəy olduğunu bildirib.

"Operativ Media" nın məlumatına görə, bu barədə J.Borrel "X" sosial şəbəkəsində yazıb.

"Mən [Fələstinin] Baş naziri Məhəmməd Ştayye ilə Fələstin Administrasiyasından hərbi əməliyyatların dərhal dayandırılmasına səbəb olmağı xahiş etmək üçün danışdım", - deyə o bildirib.

Aİ-nin xarici siyasət xidmətinin rəhbəri İsrailin xarici işlər naziri Eli Koenlə söhbətində “həmrəylik və zorakılıq və terroru pislədiyini” ifadə edib.