ABŞ Almaniya, Hindistan, Çin, Türkiyə, Estoniya və digər ölkələrdən olan onlarla şirkətə qarşı Rusiya Silahlı Qüvvələrinə və ya onun hərbi sənaye komplekslərinə dəstək iddiası ilə məhdudlaşdırıcı tədbirlər tətbiq edib. 

"Operativ Media" xəbər verir ki, ABŞ Ticarət Nazirliyinin Sənaye və Təhlükəsizlik Bürosunun məlumatına görə, ümumilikdə 49 firma qara siyahıya salınıb.

Onların əsas hissəsi (42-i ədəd - red.) Çində yerləşir. ABŞ hökumətinin məlumatına görə, sanksiya tətbiq edilən şirkətlər Rusiyaya “Amerika mənşəli inteqral sxemlər” təqdim ediblər. Siyahıya Hindistandan üç, Türkiyədən iki və Böyük Britaniya, Almaniya, BƏƏ, Finlandiya və Estoniyadan bir şirkət də daxildir.