"Ermənistanda Rusiyanı itirmək və özünə yeni dostlar tapmaq istəyən çoxlu sayda insan var".

"Operativ Media" xəbər verir ki, bunu Rusiyanın xarici işlər naziri Sergey Lavrov TASS-a müsahibəsində deyib.

“Amma ilk növbədə, tarixi, coğrafi, geosiyasi baxımdan Rusiyanı onun Transqafqazdakı maraqlarına tamamilə məhəl qoymamaq mənasında itirmək mümkün deyil. İrəvanın bəzi rəhbərlərinin belə ümidləri var və bu barədə birbaşa danışırlar. Əslində belə bir fikir Baş nazir Nikol Paşinyanın son çıxışında ortaya çıxdı", - Lavrov bildirib.

Rusiya XİN rəhbərinin sözlərinə görə, əgər Ermənistan ABŞ-yə arxalanırsa, onlar ən yaxın tarixə yaxşı nəzər salmalıdırlar.