Sentyabrın 26-da Milli Məclisdə Rəqabət Məcəlləsinin layihəsinin ictimai dinləməsi keçirilir.

"Operativ Media" xəbər verir ki, dinləmə Məcəllənin parlamentdə qəbulunun ölkə iqtisadiyyatının inkişafına, biznes mühitinin əlverişliliyinin artırılmasına göstərə biləcəyi təsir nəzərə alınaraq, Milli Məclisin İqtisadi siyasət, sənaye və sahibkarlıq komitəsinin təşəbbüsü ilə təşkil edilib.

Dinləmədə Milli Məclisdə təmsil olunmuş siyasi partiyaların nümayəndələri, deputatlar, İqtisadiyyat Nazirliyinin əlaqədar vəzifəli şəxsləri, sahibkarlar assosiasiyalarının, ticarət palatalarının, QHT-lərin təmsilçiləri, ekspertlər və mütəxəssislər iştirak edirlər.