ABŞ Konqresinin nümayəndə heyəti Ermənistan rəhbərliyi ilə danışıqlar aparmaq üçün İrəvana gəlib

23.09.2023, 09:52

Senator Qari Pitersin başçılıq etdiyi ABŞ Konqresinin nümayəndə heyəti Ermənistana gəlib.

"Operativ Media" xəbər verir ki, bu barədə Amerika səfirliyinin mətbuat xidməti məlumat yayıb.

Qeyd olunur ki, senator sentyabrın 22-25-də səfəri zamanı Ermənistanın baş naziri Nikol Paşinyan, parlamentin sədri Alen Simonyan, xarici işlər nazirinin müavini Paruyr Hovhannisyan və digər maraqlı tərəflərlə görüşəcək.

Danışıqlar zamanı “Ermənistan-Amerika münasibətləri və Azərbaycanın son hərbi əməliyyatlarının münaqişənin erməni əhalisinə təsiri” mövzusunun müzakirə olunacağı gözlənilir.