"Polşa hakimiyyəti öz ordusu üçün aldığı müasir silahları Ukraynaya vermək niyyətində deyil".

"Operativ Media" xəbər verir ki, bu barədə Polşa prezidenti Anjey Duda bildirib.

"Biz Polşa ordusunu və Polşanın təhlükəsizliyini gücləndirmək üçün milyardlarla dollara aldığımız yeni silahlarımızı başqasına verə bilmərik. Biz həmin hesabları Polşa ordusunu modernləşdirmək üçün alırıq", - Duda qeyd edib.

"Şəxsən mən Cənubi Koreyadan və ya ABŞ-dən aldığımız yeni Abrams, Patriot sistemləri və ya HIMARS kimi silahların təhvil verilməsinə qarşı çıxan ilk şəxs olacağam”, - deyə prezident əlavə edib.

Onun sözlərinə görə, Polşa Ukrayna ilə, xüsusən də “Krab” özüyeriyən haubitsalarının tədarükü məsələsində müqavilələr imzalayıb: "Biz bu müqaviləni yerinə yetirməliyik və onu yerinə yetiririk".

Duda Polşanın Cənubi Koreya və ABŞ-dən yeni silahlar aldığını, bu səbəblə köhnə silahların bir hissəsini Ukraynaya ötürə biləcəklərini də vurğulayıb.