Rusiya və İranın müdafiə nazirləri Qarabağdakı vəziyyəti müzakirə ediblər

"Cənubi Qafqaz regionu ölkələrinin ərazi bütövlüyünün və beynəlxalq sərhədlərinin qorunması İran üçün qırmızı xəttlərdən biridir".

"Operativ Media" "Tasnim" agentliyinə istinadən xəbər verir ki, bunu İranın müdafiə və silahlı qüvvələrə dəstək naziri Məhəmməd Rza Aştiani rusiyalı həmkarı Sergey Şoyqu ilə görüşü zamanı bildirib.

O, qeyd edib ki, bu fonda “3+3” platforması regiondakı problemlərin sülh yolu ilə həllinə imkan yaradacaq.

Görüş zamanı nazirlər Azərbaycanın Qarabağ iqtisadi rayonunda apardığı anti-terror tədbirlərini də müzakirə ediblər.

Aştiani və Şoyqu həmçinin Cənubi Qafqazda regiondankənar qüvvələrin olmasını qəbuledilməz hesab ediblər.

Gözəl Həşimova