İsrail Suriyanın Aralıq dənizindəki Tartus liman şəhərinə hava zərbələri endirib, həmçinin Rusiyanın istifadə etdiyi ölkənin əsas hava bazalarından birinə hücum edib.  

"Operativ Media" xəbər verir ki, bu barədə "Reuters" məlumat yayıb.

Məlumata görə, bu zərbələr nəticəsində iki suriyalı hərbçi ölüb, altısı isə yaralanıb.

Hava zərbələri həm də cənub-şərq Homs əyalətində, Hammanin cənubundakı hərbi baza və Şuairat hərbi hava limanı yaxınlığında həyata keçirilib. Baza Suriyadakı ən mühüm hava bazalarından biridir və Rusiya tərəfindən üsyançılara qarşı hərbi əməliyyatlarda istifadə edilir.

Rusiya hərbi gəmilərinin yerləşdiyi Aralıq dənizindəki Tartus limanındakı Rusiya hərbi dəniz bazası və əraziyə yaxın olan Rusiyaya məxsus Hmeymim hava bazası da hava hücumları üçün hədəf olub.