"Ukrayna prezidenti Volodimir Zelenski gələn həftə BMT Təhlükəsizlik Şurasının iclasına dəvət olunarsa, Rusiya nümayəndələri ilə eyni masa arxasında otura bilər". 

"Operativ Media" xəbər verir ki, bu barədə “Politico” qəzeti Qərb diplomatiyasından olan mənbəsinə istinadən məlumat yayıb.

Mənbənin sözlərinə görə, BMT-nin mənzil-qərargahında Zelenskinin iştirak edə biləcəyi Təhlükəsizlik Şurasının Ukrayna mövzusunda iclası keçirilə bilər. Məlumata görə, iclasda Rusiyadan Baş Assambleyanın növbəti sessiyasında Rusiya nümayəndə heyətinə rəhbərlik edəcək şəxs, yəni xarici işlər naziri Sergey Lavrov iştirak edə bilər.

Daha əvvəl bildirilmişdi ki, Zelenskinin Baş Assambleyada çıxışı sentyabrın 19-da günün birinci yarısına planlaşdırılıb.