Mərakeşdə baş verən zəlzələdə ölənlərin sayı 2 min 946-ya yüksəlib

Mərakeşdə baş verən 7 bal gücündə zəlzələdə həyatını itirənlərin sayı 2 min 946 nəfərə yüksəlib.

"Operativ Media" xəbər verir ki, bu barədə, ölkənin Daxili İşlər Nazirliyi məlumat yayıb.

Nazirlikdən verilən açıqlamaya görə, yaralıların sayı isə 5 min 674-ə yüksəlib.

Zəlzələdə həyatını itirənlərdən 2944-ü dəfn edilib.

Qeyd edək ki, sentyabrın 8-nə keçən gecə yerli vaxtla saat 23:10-da Mərakeşdə 7 bal gücündə zəlzələ baş verib, episentri Mərakeşin Əl-Huz bölgəsində olub.

Zəlzələ Mərakeşlə yanaşı, paytaxt Rabat və Kasablanka, Meknes, Aqadir və Fes şəhərlərində də hiss olunub.