Türkiyə prezidenti Rəcəb Tayyib Ərdoğan bazar günü G-20 liderlər sammiti çərçivəsində amerikalı həmkarı Co Baydenlə qısa söhbət edib. Söhbət zamanı F-16 qırıcıları haqqında fikir mübadiləsi aparılıb.

"Operativ Media" xəbər verir ki, bu barədə Ərdoğan sammitdən sonra keçirilən mətbuat konfransında deyib.

“Təəssüf ki, F-16 məsələsinə gəldikdə İsveçi xatırlamağa davam edirlər. Bu yanaşma bizi ciddi şəkildə kədərləndirir”, - deyə Ərdoğan bildirib.

Türkiyə prezidenti təkrar edib ki, İsveçin NATO-ya daxil olması Türkiyə parlamentinin ixtiyarındadır.

“Hələ elə mərhələdə deyiləm ki, təkbaşına qərar verə bilərəm. İsveçin NATO-ya qəbulu Parlament tərəfindən təsdiq edilməlidir. İsveç öz öhdəliklərini yerinə yetirməlidir”, - deyə o bildirib.