Rusiya Prezidenti Vladimir Putin və Qazaxıstan Prezidenti Kasım-Jomart Tokayev arasında telefon danışığı olub.

Operativ Media xəbər verir ki, bu barədə Qazaxıstan mətbuatı məlumat yayıb.

Dövlət başçıları Qazaxıstan-Rusiya əməkdaşlığının hazırkı vəziyyətini və perspektivlərini müzakirə ediblər.

Ticarət-iqtisadi əməkdaşlığın, o cümlədən energetika, sənaye və nəqliyyat sahələrində əməkdaşlığın gücləndirilməsinə dair sazişlərin icrasına baxılıb. Mədəni-humanitar qarşılıqlı əlaqələrin dinamik inkişafı qeyd edilib.

Qazaxıstan Prezidentinin Rusiya Federasiyasına qarşıdan gələn dövlət səfərinə hazırlıq işlərinə xüsusi diqqət yetirilib.

Görüşdə həmçinin aktual regional və beynəlxalq problemlər ətrafında fikir mübadiləsi aparılıb.