Yaponiyanın baş naziri Kişida Fumio və NATO-nun baş katibi Yens Stoltenberq Rusiya-Çin hərbi əlaqələri ilə bağlı narahatlıqlarını ifadə edərək, Yaponiya-NATO əlaqələrini gücləndirmək barədə razılığa gəliblər.

"Operativ Media" xəbər verir ki, Kişida Tokioda NATO-nun baş katibi Stoltenberq ilə görüşüb.  

Kişida birgə mətbuat konfransında Avropanın Hind-Sakit Okean regionunda artan əlaqəsini alqışladıqlarını bildirib.

Yaponiyanın 2022-ci ilin dekabrında yenilənən milli təhlükəsizlik strategiyasını NATO baş katibinə izah etdiyini və bununla bağlı dəstək aldığını qeyd edən Kisida, Yaponiya-NATO əlaqələrini gücləndirmək üçün razılaşdıqlarını ifadə edib.