İsveçin Ankaradakı səfirliyi mümkün nümayişlərə görə bağlanıb.

"Operativ Media" xəbər verir ki, bu barədə İsveç Xarici İşlər Nazirliyi məlumat yayıb.

Məlumata görə, ötən həftə sonu səfirlik qarşısında toplaşan qəzəbli kütlə müxtəlif şüarlar səsləndirib, İstanbuldakı konsulluğun qarşısında toplaşan etirazçılar isə İsveç bayrağını yandırıblar.

Qeyd edək ki, yanvarın 21-də sağçı ekstremist “Sərt kurs” Partiyasının lideri Rasmus Paludan Türkiyənin İsveçdəki səfirliyi qarşısında Quran kitabını nümayişkaranə şəkildə yandırıb.