"Hazırda İsrail və Fələstin arasında danışıqlar üçün heç bir əsas yoxdur".

"Operativ Media" xəbər verir ki, bunu İsrailin Moskvadakı səfiri Aleksandr Ben Zvi TASS-a bildirib.

"Xeyr. Biz öz itkilərimizi və yaralılarımızı sayarkən və HƏMAS-ın əlində nə qədər adam olduğunu bilmədiyimiz halda, bu danışıqlar üçün əsas ortaya necə çıxa bilər? Və biz əminik ki, onlar bununla dayanmayacaqlar" - deyə səfir münaqişə tərəfləri arasında danışıqlar üçün hər hansı əsasın görünüb-görünmədiyi sualına cavab verib.

"Əgər onlar desəydilər ki, gəlin bütün terror hüceyrələrini dağıdaq, İsrail dövlətinin varlığını tanıyaq və s. onda danışıqlar mümkün olardı. Səni öldürmək istəyən biri ilə danışa bilərsənmi?" - Ben Zvi davam edib.

Diplomatın sözlərinə görə, danışıqlar üçün hər hansı konstruktiv təkliflər indi əhəmiyyət kəsb etmir, çünki onlar buna davam etmir: "Dedim ki, əgər HƏMAS-ın terror təşkilatı olmaqdan çıxması üçün konkret addımlar atılacaqsa, bu, konstruktiv addımlar olmalıdır. Bu məsələyə HƏMAS terror təşkilatı olmaqdan çıxana qədər eyni mövqedə qalacağıq", - səfir bildirib.